«Bolashaq» baǵdarlamasynyń 1 stıpendıatyna jylyna 5,6 mln. teńge jumsalady - S.Nurbek

ASTANA. 16 sáýir. QazAqparat - «Bolashaq» baǵdarlamasynyń 1 stıpendıatyna jylyna 5,6 mln. teńge jumsalady.

Bul týraly búgin QR Prezıdentiniń «Bolashaq» halyqaralyq baǵdarlamasyn iske asyrý qorytyndylaryna arnalǵan Úkimet otyrysynan keıin BAQ ókilderine suhbat bergen «Halyqaralyq baǵdarlamalar ortalyǵy» AQ Prezıdenti Saıasat Nurbek málim etti.

«Stıpendıattar oqýynyń ortasha shyǵyny búgingi tańda 13,5-14 mlrd. teńgeni quraıdy. Ortasha alǵanda bir stıpendıatqa jylyna 5 mln. 623 myń teńge jumsalady», - dedi ol.

Sonymen qatar onyń atap ótýinshe, «Bolashaq» baǵdarlamasymen shet elde bilim alatyn qazaq jastarynyń stıpendııasy aıyna 2 myń AQSh dollaryn quraıdy.