«Bolashaq» baǵdarlamasynan úmitkerlerden kelesi aptadan bastap qujattar qabyldana bastaıdy
ASTANA. Maýsymnyń 5-i. QazAqparat /Janna Qorqytova/ - Maýsymnyń 7-sinen bastap QR Prezıdentiniń «Bolashaq» halyqaralyq syılyǵyn taǵaıyndaý konkýrsyna qatysýshylardan qujattar qabyldana bastaıdy. Bul týraly «Halyqaralyq baǵdarlamalar ortalyǵy» aktsıonerlik qoǵamynyń baspasóz qyzmetinen habarlady.
Osyǵan oraı maýsymnyń 7-si kúni Astanadaǵy «Dıplomat» qonaqúıinde baspasóz máslıhaty ótedi. Oǵan Bilim jáne ǵylym mınıstrligi strategııa departamenti dırektorynyń orynbasary Aqerke Abylaıhan, «Halyqaralyq baǵdarlamalar ortalyǵy» AQ prezıdenti Danııar Bekturǵanov pen vıtse-prezıdenti Erkejan Ápsemetova qatysady.
Akademııalyq oqýǵa qujattar maýsymnyń 7-si men shildeniń 31-i aralyǵynda, al ǵylymı taǵlymdamaǵa - maýsymnyń 7-si men qyrkúıektiń 30-y aralyǵynda qabyldanady.
Bıyl «Bolashaq» baǵdarlamasy aıasynda akademııalyq oqýǵa usynylyp otyrǵan joǵary oqý oryndarynyń tizimine 87 mamandyq boıynsha álemniń 23 eliniń 200 joǵary oqý orny, ǵylymı taǵlymdamadan ótý úshin álemniń 24 eliniń 105 ǵylymı ortalyǵy men zerthanasy usynylyp otyr.
Konkýrsqa qatysý týraly tolyqqandy málimetterdi Halyqaralyq baǵdarlamalar ortalyǵynyń resmı saıtynan - www.edu-cip.kz - oqyp-bile alasyzdar.
