«Bolashaq» baǵdarlamasyna Túrkistan oblysynan 100-ge jýyq adam qujat tapsyrdy

TÚRKІSTAN. QazAqparat - «Bolashaq» baǵdarlamasy aıasynda Túrkistan oblysynan 100-ge jýyq muǵalim men dáriger ótinim bildirip, test tapsyrǵan. Olar aldymen qazaq tili, psıhologııalyq test jáne onlaın tildesý arqyly 3 kezeńnen ótti, dep habarlaıdy oblystyq ákimdiktiń baspasóz qyzmeti.

Nátıjesinde, eki azamattyń baǵy janyp, tájirıbesin bolashaqta týǵan jerinde, óz qyzmetinde qoldanady.

Túrkistan qalalyq ortalyq aýrýhanasynyń hırýrg mamany Abaı Túımebaev pen Saryaǵash aýdandyq ortalyq aýrýhanasynyń hırýrgi Baýyrjan Ospanov Izraıldiń Haıfa qalasyndaǵy oqý ornynda bilimin jetildirmek. Olar aldaǵy apta ishinde jol júrip, 3 aı bilim alatyn bolady.

Túrkistan qalasynyń ákimi Rashıd Abatuly «Bolashaq» baǵdarlamasy arqyly bilim alý múmkindigine ıe bolǵan grant ıegerlerin qabyldap, sáttilik tiledi.