«Bolashaq» baǵdarlamasyna «magıstratýraǵa úmitker ınjenerlik-tehnıkalyq qyzmetker» sanaty engiziledi

ASTANA. QazAqparat - «Bolashaq» baǵdarlamasyna «magıstratýraǵa úmitker ınjenerlik-tehnıkalyq qyzmetker» sanaty engiziledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «Halyqaralyq baǵdarlamalar ortalyǵy» AQ prezıdenti Ǵanı Nyǵmetov málim etti.

«2016 jyldan bastap úmitkerlerdiń «JOO túlegi» sanatyn alyp tastaý josparlanýda. Bul sanattyń ornyna «magıstratýraǵa úmitker ınjenerlik-tehnıkalyq qyzmetker» atty jańa sanat engiziletin bolady»,- dedi Ǵ.Nyǵmetov.

Onyń atap ótýinshe, bul «Bolashaq» baǵdarlamasynyń ınjenerlik áleýetin arttyrý úshin qolǵa alynýda. Joǵary tehnıkalyq bilim alǵan jáne óndiriste 2 jyl jumys ótili bar azamattar «Bolashaq» baǵdarlamasymen magıstratýrada bilim ala alady.