​«Bolashaq» baǵdarlamasyna qujat qabyldaýdyń aıaqtalýyna 4 kún qaldy

ASTANA. QazAqparat - Magıstratýra, doktorantýra, rezıdentýra jáne taǵylymdama baǵdarlamalaryna túsýge ótinimder eGov.kz memlekettik qyzmetter portaly arqyly qabyldanady, dep habarlaıdy QazAqparat mınıstrliktiń Telegram paraqshasyna silteme jasap.

«Bolashaq» halyqaralyq stıpendııasyn taǵaıyndaýǵa konkýrstyq irikteý onlaın rejıminde ótedi jáne 3 kezeńnen turady:

- keshendi testileý

- táýelsiz sarapshy komıssııa múshelerimen jeke áńgimelesý

- kadrlardy shetelde daıarlaý jónindegi respýblıkalyq komıssııa otyrysynda qujattardy qaraý.

Úmitkerler konkýrstyq irikteýge qatysý úshin 2 negizgi qujatty ǵana usynýy kerek - «Bolashaq» boıynsha oqýǵa usynylatyn joǵary oqý oryndar tizimindegi sheteldik ýnıversıtetten shaqyrý, sondaı-aq nátıjesi keminde B1 deńgeıindegi memlekettik til boıynsha emtıhan tapsyrǵany týraly sertıfıkat.