«Bolashaq» baǵdarlamasymen mamandardy daıyndaý elimiz úshin qajetti baǵyttar boıynsha júzege asyrylady

Bul týraly búgin BNews.kz portalynda «Elbasy N.Nazarbaevtyń aǵymdaǵy Joldaýynyń negizgi basymdyqtaryn túsindirýge arnalǵan on-laın konferentsııa barysynda QR Bilim jáne ǵylym mınıstri Baqytjan Jumaǵulov málim etti.

«Alǵashqy jyldary biz prezıdenttik baǵdarlama boıynsha stýdentterdi jappaı oqytýǵa umtyldyq. Biraq qazirgi tańda buǵan basqa kózqaras turǵysynan qaraımyz. «Bolashaq» baǵdarlamasy boıynsha mamandardy daıyndaý naqty úlgide ári qazirgi ýaqytta Qazaqstanǵa qajetti baǵyttar boıynsha ǵana júrgiziletin bolady», - dedi mınıstr.

B.Jumaǵulovtyń atap ótýine qaraǵanda, búginde mınıstrlik atalǵan baǵdarlama boıynsha mamandardy daıyndaýdyń jetildirilgen jańa tujyrymdamasyn ázirlegen. Qujat taıaý arada qabyldanbaq. Baǵdarlama qolǵa alynǵan alǵashqy jyldary bakalavr mamandyǵy boıynsha jappaı maman daıyndaý úrdisine basa aýdarǵan elimiz endi bul ustanymnan túbegeıli bas tartady. Óıtkeni taıaýda ǵana elorda tórinde ashylǵan «Nazarbaev ýnıversıteti» shet elge qaraǵanda aıtarlyqtaı az qarjyǵa bilikti maman daıyndaı alady.

Degenmen sońǵy jyldary shetelde maman daıyndaýdyń jalpy jaǵdaıy jaqsara túskenin basa aıtqan ol: «Birqatar qazaqstandyq ulttyq ýnıversıtetter osy jyldar ishinde óz ustanymdaryn joǵarylatýǵa qol jetkizdi. Biz kez kelgen eldiń bakalavrynan bilimi tómen emes maman daıyndaı alamyz», - dedi.