«Bolashaq» baǵdarlamasy stıpendııasynyń ıegerleri kezekten tys QR Prezıdenti saılaýyn ótkizýdi qoldaıdy
ASTANA. QazAqparat - «Bolashaq» halyqaralyq baǵdarlamasynyń stıpendııa ıegerleri Qazaqstan halqy Assambleıasynyń 2015 jyly kezekten tys QR Prezıdenti saılaýyn ótkizý týraly bastamasyn qoldaıdy, - dep habarlady «Halyqaralyq baǵdarlamalar ortalyǵynan».
«Búgin álemniń ár túkpirindegi «bolashaqtyqtar» QR Prezıdentiniń kezekten tys saılaýyn ótkizý týraly bastamasyn qoldap, Qazaqstan halqynyń turaqtylyǵy men jetistigi úshin biraýyzdan óz ustanymdaryn jetkizdi», delingen habarlamada.
«Bolashaq» baǵdarlamasynyń túlegi, QR Prezıdenti is basqarmasynyń Medıntsınalyq ortalyǵy profılaktıkalyq bóliminiń hırýrgi Áset Esjanovtyń pikirinshe, saılaý ótkizý «Nurly Jol» baǵdarlamasyn tıimdi iske asyrýǵa, el damýynyń uzaqmerzimdi, onyń ishinde densaýlyq saqtaý salasyndaǵy basymdyqtardy iske asyrýdy jalǵastyrýǵa jol múmkindik beredi.
