«Bolashaq» baǵdarlamasy otandyq medıtsınany jańa satyǵa shyǵardy – Alekseı Tsoı

NUR-SULTAN. QazAqparat – Densaýlyq saqtaý mınıstri Alekseı Tsoı «Bolashaq» baǵdarlamasynyń el medıtsınasyn damytýdaǵy rólin atady, dep habarlaıdy QazAqparat.

«Táýelsizdik jyldarynda Qazaqstandaǵy densaýlyq saqtaý júıesiniń qýaty artty. Biz zamanaýı ǵylymı medıtsınalyq ortalyqtarǵa, Qazaqstanda engizilgen biregeı jańa tehnologııalarǵa ıe boldyq. Kardıohırýrgııanyń negizi qalanyp, aǵzany transplantatsııalaý biz úshin úırenshikti qubylysqa aınaldy. Buryn azamattarymyz shetelde ǵana ıgiligin paıdalanatyn zamanaýı biregeı tehnologııalar qazir Qazaqstanda keńinen qoldanylady» - dedi mınıstri Medıtsına qyzmetkerleri kúnine arnalǵan kezdesýde.

Onyń aıtýynsha, Qazaqstan medıtsınasynyń bolashaǵy tsıfrlyq tehnologııalarmen tikeleı baılanysty.

«Bizdiń kóptegen áriptesterimiz «Bolashaq» baǵdarlamasynyń arqasynda álemniń úzdik ınstıtýttary men joǵary oqý oryndarynda bilim aldy. Qazir olar eldegi biregeı medıtsınalyq mekemelerde eńbek etip júr. Osy jyldar ishinde biz densaýlyq saqtaý júıesiniń áleýetin qalyptastyrdyq, kólik medıtsınasyn, telemedıtsınany damyttyq. Qazir medıtsınalyq pasporttar men barlyq aqparat tsıfrlandyrylǵan deńgeıge jetti. Tsıfrlyq tehnologııalardy densaýlyq saqtaý júıesiniń ıgiligine jegýdiń kókjıegi áli keń. Ýaqyt ornynda turmaıdy. Medıtsına jańa qıyndyqtarmen birge damyp jatyr. Pandemııa búkil álem qaýymdastyǵyna densaýlyq saqtaý júıesiniń aınalasynda shoǵyrlaný qajet ekenin kórsetti. Іndettiń zerttelmegen, jańa sıpatty bolǵanyna qaramastan, biz tolyqtaı beıimdelip, halyqaralyq tájirıbeni meńgerip, vırýsqa qarsy tura aldyq», - dedi Alekseı Tsoı.