«Bolashaq» baǵdarlamasy daryndy balalardy anyqtaý men qoldaý júıesine biriktiriledi

ASTANA. QazAqparat - «Bolashaq» baǵdarlamasynyń zertteý áleýetin únemi ulǵaıtyp otyrý kerek. Bul týraly búgin Astanada «Bolashaq» baǵdarlamasynyń (BARCEF-2015) jyl saıynǵy halyqaralyq konferentsııasynda QR Memlekettik hatshysy Gúlshara Ábdiqalyqova málim etti.

«Joǵary bilikti kadrlar úshin kúreste básekelestik jaǵdaıynda biz Prezıdenttik stıpendııany jan-jaqty jetildirýdemiz. Atap aıtqanda, biz ony eldiń adamı kapıtal sapasyn arttyrýdyń mańyzdy faktory retinde qarastyrýdamyz», - dep toqtaldy Memlekettik hatshy.

Osy oraıda ol bilim alǵan árbir mamanǵa erekshe nazar aýdarylatynyn, Qazaqstandaǵy jobalardy júzege asyrý úshin jańa formatsııanyń mamandary kerek ekenin qadap aıtty.

«IID MB-nyń ekinshi bes jyldyǵynyń aıasynda «Bolashaq» ınnovatsııalyq-tájirıbelik baǵytqa negizdelýi tıis, «100 naqty qadam» Ult jospary jobalary úshin kadrlardy maqsatty daıarlaýǵa tolyqtaı baǵdarlanýy kerek. Sonymen qatar biz jas talanttardy qoldaý boıynsha maqsatyn alǵa qoıyp otyrmyz. Qazaqstanda daryndy balalardy anyqtaý men qoldaýdyń ınstıtýtsıonaldyq negizi jumys isteýde. Jaqyn perspektıvada «Bolashaq» «mektep-JOO-«Bolashaq» halyqaralyq stıpendııasy» ustanymy boıynsha osy júıege biriktiriledi. Munymen qosa, únemi baǵdarlamanyń zertteý áleýetin ulǵaıtyp otyrý kerek jáne Qazaqstandaǵy JOO-lardyń bilim berý úderisene Split-PhD baǵdarlamalaryn engizý arqyly ǵalymdardy daıarlaýdy kúsheıtý kerek», - dedi G. Ábdiqalyqova.