«Bolashaq» baǵdarlamasy boıynsha taǵlymdamadan ótý «100 qadam» Ult jospary jobalaryna qaıta baǵdarlanady
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «Halyqaralyq baǵdarlamalar ortalyǵy» AQ prezıdenti Ǵanı Nyǵmetov málim etti.
«Ótken jyly Prezıdent tapsyrmasyna sáıkes taǵlymdamadan ótý baǵdarlamasy eki ese qysqarǵan bolatyn. Aǵymdaǵy jyly berilgen oryndardyń jalpy sanyndaǵy taǵlymdama úlesi 10 paıyzdan aspaıdy. Qysqa merzimdi bolashaqta damý josparynda qarastyrylǵandaı taǵlymdama baǵdarlamasy damytylatyn bolady. Biraq, ol «100 qadam» Ult jospary jobalaryna qaıta baǵdarlanady», - dedi ol.
Ǵ.Nyǵmetovtiń atap ótýinshe, memlekettik organdarmen birlesip, mamandardy taıaýda Qazaqstanda qurylatyn qarjy ortalyǵynda, arbıtrajdyq ortalyqta, Joǵarǵy sot janyndaǵy halyqaralyq keńeste jáne «Báıterek» holdıngi júzege asyratyn «Ulttyq chempıon» jobasynda taǵlymdamadan ótkizý josparlanyp otyr.
