«Bolashaq» baǵdarlamasy boıynsha shetelde bakalavrlar oqytýdy toqtatý máselesi qarastyrylýda
ANA. 11 mamyr. QazAqparat /Rýslan Ǵabbasov/ - Búgin Aqordada QR Memlekettik hatshysy Qanat Saýdabaevtyń tóraǵalyǵymen QR Prezıdenti janyndaǵy shetelde kadrlar daıarlaý jónindegi respýblıkalyq komıssııanyń otyrysy ótýde.
Atalǵan jıyn barysynda «Bolashaq» baǵdarlamasy júıesine engiziletin túzetýler máselesi qaralyp jatyr.
«Elbasy jaqynda ótken Úkimettiń keńeıtilgen otyrysynda tıisti tapsyrma júktegen bolatyn. Otandyq bilim sapasynyń artýyna baılanysty jáne Nazarbaev Ýnıversıtetiniń ashylýyna oraı, «Bolashaq» baǵdarlamasy boıynsha shetelde bakalavrlardy oqytý toqtatylady. Sonymen qatar endi magıstrlar men PhD doktorlaryn daıarlaý baǵyttary aıtarlyqtaı keńeıtiledi. Sondyqtan búgin biz osyndaı sheshimder qabyldaýymyz qajet»,-dedi Q. Saýdabaev komıssııa májilisinde.
Taratylǵan málimetterge qaraǵanda, komıssııa otyrysynda magıstratýra, PhD doktorantýrasy baǵdarlamasy turǵysynda sheteldiń jetekshi oqý oryndarynda bilim alý, ǵylymı taǵylymdamadan ótý úshin «Bolashaq» prezıdenttik stependııasyn alý quqyǵyna ıe úmitkerler sanaty anyqtalady, sondaı-aq 2011 jylǵa basym mamandyqtar tizbesi bekitilmek.
