«Bolashaq» baǵdarlamasy boıynsha qujattar qabyldaýdyń birinshi kezeńi aıaqtaldy
ASTANA. QazAqparat - Qazaqstan Respýblıkasy Bilim jáne ǵylym mınıstriniń 2016 jylǵy 10 aqpandaǵy № 141 buıryǵyna sáıkes 2016 jylǵy 11 sáýir men 13 mamyr aralyǵynda «Bolashaq» halyqaralyq stıpendııasyn taǵaıyndaý konkýrsyna qatysý úshin qujattar qabyldaýdyń birinshi kezeńi ótkizildi.
Kórsetilgen kezeńde qabyldanǵan qujattardyń jalpy sany - 276, olardyń ishinde «Halyqaralyq baǵdarlamalar ortalyǵy» AQ qabyldaǵany - 168, «Azamattar úshin úkimet» memlekettik korporatsııasy arqyly - 47, «elektrondy úkimet» portaly arqyly- 61. Bul rette akademııalyq oqýǵa 215 úmitker, taǵylymdamaǵa 61 úmitker tirkelgen.
«Bolashaq» halyqaralyq stıpendııasyn taǵaıyndaý konkýrsyna qatysý úshin qujattar qabyldaý úsh kezeńde ótkiziletindigin eske salamyz: birinshi kezeń - 11 sáýir - 13 mamyr; ekinshi kezeń - 13 maýsym - 29 shilde; úshinshi kezeń - 15 tamyz - 30 qyrkúıek, dep habarlaıdy «Halyqaralyq baǵdarlamalar ortalyǵy» AQ baspasóz qyzmetinen.
