«Bolashaq» baǵdarlamasy boıynsha bilim alǵan 750 shákirt elimizge oraldy - Q. Saýdabaev
A. Qańtardyń 19-y. QazAqparat /Ernur Aqanbaı/ - QR Prezıdentiniń «Bolashaq» baǵdarlamasy boıynsha sheteldik joǵarǵy oqý oryndarynda bilim alǵan 750 shákirt elge keldi, bul rekordtyq san.
Bul týraly búgin Shetelde kadrlar daıarlaý jónindegi respýblıkalyq komıssııanyń otyrysynda QR Memlekettik hatshysy- Syrtqy ister mınıstri Qanat Saýdabaev málim etti, dep habarlaıdy QazAqparat.
«Ótken jyldyń qorytyndysy aıtarlyqtaı kóńil marqaıtady. Tuńǵysh ret Qazaqstanǵa sheteldiń ozyq joǵarǵy oqý oryndaryn támámdaǵan 750 adam keldi. Olar búginde bizdiń elimizdiń odan ári damý úderisine aralasyp ketti», dedi otyrysta Q. Saýdabaev.
Osy oraıda Q. Saýdabaev QR Prezıdentiniń «Bolashaq» shákirtaqysyn taǵaıyndaýǵa úmitkerlerdi irikteý kezinde Memleket basshysy aıqyndap bergen joǵary krıterıılerdi nazarǵa alýdy jalǵastyrý qajettigin atap kórsetti.
