«Bolashaq» baǵdarlamasy aıasynda oqyǵandar elge túgeldeı oralyp jatyr - Ǵanı Nyǵmetov

ASTANA. QazAqparat - «Bolashaq» baǵdarlamasy aıasynda oqyǵandar elge túgeldeı oralyp jatyr. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «Halyqaralyq baǵdarlamalar ortalyǵy» AQ prezıdenti Ǵanı Nyǵymetov málim etti.

«Shetelde qalyp qoıǵan «bolashaqtyqtar» alǵashqy jyldarda boldy. Bizdiń ortalyq qurylǵannan keıin mundaı jaǵdaı men málimet bizde bolǵan joq. Atap aıtqanda, barsha stıpendıattar qaıda oqyp jatqandyǵyn bilemiz jáne olar elge qaıta oralyp jatyr. Shart boıynsha olar Qazaqstanda bes jyl jumys isteýi kerek»,-dedi ortalyq basshysy.

2012 jyldan bastap baǵdarlamaǵa qatysýshylar úsh taraptyq kelisimge qol qoıyp otyrǵandyǵyn eske salyp ótken Ǵ. Nyǵymetov, bunyń aıasynda stıpendıat elge kelgende onyń jumys berýshisi belgili bolatyndyǵyn, sondaı-aq jumys berýshi qyzmet ornyn saqtap qalýǵa mindet alatyndyǵyn atap ótti.

«Stıpendıattyń obektıvti sebeptermen bes jyldyq mindetin oryndaı almaý faktileri óte az. Shamamen eki adam. Mindetti oryndaı almaǵandar barsha qarajatty memleketke qaıtaryp berýi tıis»,-dedi ol.