«Bolashaq» baǵdarlamasynyń jańa kezeńi bastaldy
ASTANA. KAZINFORM — Jastardy qoldaý júıesinde halyqaralyq «Bolashaq» baǵdarlamasynyń orny erekshe. Sońǵy úsh jylda álemniń jetekshi ýnıversıtetterinde 994 stıpendıat bilim aldy. Bul týraly Úkimettiń baspasóz qyzmeti málim etti.
— Ekonomıka úshin suranysqa ıe baǵyttar, onyń ishinde aqparattyq tehnologııalar, ınjenerlik mamandyqtar, mashına jasaý, medıtsına, qarjy jáne quqyq salalary boıynsha mamandar daıarlalanyp jatyr, — delingen habarlamada.
Qosymsha 342 maman sheteldik jetekshi uıymdarda kásibı taǵylymdamadan ótti. Baǵdarlamany damytýdyń jańa kezeńi 2026 jyly halyqaralyq olımpıadalardyń, ǵylymı konkýrstardyń jáne shyǵarmashylyq jarystardyń jeńimpazdary úshin bakalavrıat baǵyty alǵash ret ashylǵan kezde bastaldy.
Aıta keteıik, jaqynda AES qurylysyna qajet mamandar endi «Bolashaq» arqyly daıarlanatyny habarlandy.
