«Bolashaq» baǵdarlamasyna qatysýshylarǵa alaıaqtar týraly eskertý jasaldy

ASTANA. KAZINFORM - «Halyqaralyq baǵdarlamalar ortalyǵy» stıpendıattar, «Bolashaq» baǵdarlamasynyń jáne ǵylymı taǵylymdama túlekterine eskertý jasady.

Ortalyq sońǵy ýaqytta alaıaqtyq jaǵdaılary jıilep ketkenin atap ótip, abaı bolýdy surady.

«Alaıaqtar Halyqaralyq baǵdarlamalar ortalyǵynyń atynan habarlasyp, SMS arqyly kelgen tekserý kodtaryn nemese aqshalaı qarajat jiberýdi suraıdy. Halyqaralyq baǵdarlamalar ortalyǵy eshqashan tekserý kodtaryn suramaıdy jáne aqshalaı qarajat talap etpeıdi. Barlyq resmı aqparat bizdiń resmı baılanys arnalary nemese kýratorlar arqyly ǵana jiberiledi. Saq bolyńyzdar! Jeke derekterdi bógde adamdarǵa bermeńizder. Osyndaı jaǵdaılar týyndaǵan kezde quqyq qorǵaý organdaryna júginińizder», - delingen habarlamada.

Buǵan deıin Memlekettik kirister organdarynyń atynan qońyraý shalatyn alaıaqtar kóbeıgenin jazǵan bolatynbyz.