«Bolashaq» baǵdarlamasynyń shákirtaqysy men tólemderiniń mólsheri qaıta qaralýy múmkin

ASTANA. KAZINFORM - Halyqaralyq baǵdarlamalar ortalyǵynda «Bolashaq» halyqaralyq stıpendııasynyń -ólshemderin qaıta qaraý máselesi kóterildi.

Atap aıtqanda, shetelde bilim alyp jatqan stıpendıattarǵa bólinetin oryn sany men aı saıynǵy tólem mólsherin ózgertý múmkindigi talqylanyp jatyr. Bul týraly Kazinform agenttiginiń tilshisiniń saýalyna berilgen jaýapta aıtyldy.

Ortalyqtyń naqtylaýynsha, qazirgi ýaqytta «Bolashaq» baǵdarlamasy boıynsha stıpendııalar kólemin qysqartý máselesi talqylanyp, taldanyp jatyr.

Sonymen qatar, stıpendıattarǵa tólenetin aı saıynǵy qarjy kólemin qaıta esepteý de kún tártibine shyǵarylǵan.

— «Bolashaq» halyqaralyq stıpendııasynyń mólsherin aıqyndaıtyn shyǵys normalary budan 17 jyldan astam ýaqyt buryn qabyldanǵan jáne sodan beri qaıta qaralmaǵan. Osy aralyqta ınflıatsııa deńgeıi ósip, turǵyn úı, tamaq pen qyzmet kórsetý quny aıtarlyqtaı qymbattady. Qazirgi kezde bul másele boıynsha keshendi talda jumystary júrgizilip jatyr, — dep habarlady Halyqaralyq baǵdarlamalar ortalyǵy.

Osyǵan deıin 2026 jyly «Bolashaq» stıpendııasyn taǵaıyndaý tártibine ózgeris engiziletini týraly jazdyq.