«Bolashaq» baǵdarlamasynyń shákirtaqysy 10-15 paıyzǵa artýy múmkin
ASTANA. KAZINFORM — «Bolashaq» baǵdarlamasy boıynsha shákirtaqy mólsheri 10-15 paıyzǵa artýy múmkin. Bul týraly Halyqaralyq baǵdarlamalar ortalyǵy tóraǵasynyń orynbasary Abaı Rahmet aıtty.
— Shákirtaqy 15 jyldan astam ýaqyttan beri kóterilgen joq. Alaıda, búkil álemde ınflıatsııa artyp keledi. Stıpendıattarymyzdyń keı jaǵdaıda tipti otbasynan da baratynyn kórip júrmiz. Soǵan oraı keı elderde shákirtaqy jete bermeıdi, — dedi ol Úkimet otyrysynan keıingi brıfıngte.
Onyń sózine qaraǵanda, bolashaqtyqtardyń shákiraqysyn arttyrý máselesi pysyqtalyp jatyr. Túbegeıli sheshim kelesi jyly shyǵyp qalady.
— Shákirtaqysy elge jáne qalaǵa baılanysty ózgerip otyrady. Máselen, Nıý-Iorkte eń joǵary, shamamen 2,2 myń dollar. Ózge shtattarda ol odan azdaý. Nusqalardyń biri retinde grant sanyn qysqartyp, únemdelgen qarajatty shákiraqy mólsherin arttyrýǵa jumsalýy múmkin, — dedi Abaı Rahmet.
Buǵan deıin de Ǵylym jáne joǵary bilim mınıstri Saıasat Nurbek «Bolashaq» stıpendıattarynyń shákirtaqysyn ósirýge qatysty pikir bildirgen edi.
