«Bolashaq» baǵdarlamasymen oqý úshin QAZTEST talaptary qıyndaıdy
ASTANA. KAZINFORM — Qazaq tilin bilý talaby eń jeńil deńgeıden ortasha deńgeıge kóteriledi. Bul jóninde QR Ǵylym jáne joǵary bilim mınıstri Saıasat Nurbek málimdedi.
QR Parlamenti Májilisinde ótken Úkimet saǵatynda oǵan depýtat Samat Nurtaza suraq qoıdy.
— «Bolashaq» baǵdarlamasy túlekteriniń arasynda keıde qazaqsha bilmeıtinderin kezdestiremin. Olar QAZTEST testileýinen qalaı ótken? — dedi depýtat.
Oǵan jaýap bergen mınıstr aldaǵy josparlarǵa toqtaldy.
— QAZTEST deńgeıin kóteremiz. Onyń A, B, C degen deńgeıleri bar. Qazir sonyń eń tómengisi A bekitilgen. Endi aqyryndap kóteremiz. Qazaq tilin bilý talabyn B1, B2 deńgeıine joǵarylatýǵa múmkindigimiz bar, — dedi Saıasat Nurbek.
Aıta keteıik, buǵan deıin elimizdiń JOO-larynda 700-ge jýyq oqý baǵdarlamasy jabylatynyn jazǵanbyz.
