«Bolashaq» baǵdarlamasy boıynsha mektep túlekterine 20 stıpendııa beriledi

ASTANA. KAZINFORM — «Bolashaq» baǵdarlamasy aıasynda bakalavrıat deńgeıinde oqýǵa arnalǵan jańa baǵyt iske qosylady. Halyqaralyq baǵdarlamalar ortalyǵynda mektep túlekterine arnalǵan stıpendııaǵa irikteýdiń negizgi sharttary túsindirildi. 

Ortalyqtyń málimetinshe, jańa baǵyt daryndy mektep túlekterin qoldaýǵa jáne zııatkerlik áleýettiń shetelge ketýiniń aldyn alýǵa baǵyttalǵan. 

Jańa baǵyt boıynsha barlyǵy 20 shákirtaqy bólý josparlanyp otyr.

— Іrikteýge tek sońǵy úsh jyl ishinde jalpy bilim beretin pánder boıynsha halyqaralyq olımpıadalardyń, ǵylymı jobalarǵa arnalǵan halyqaralyq konkýrstardyń nemese halyqaralyq oryndaýshylar baıqaýlarynyń I–III dárejeli dıplomdaryn ıelengen Qazaqstan Respýblıkasynyń azamattary qatysa alady, — dep naqtylady Halyqaralyq baǵdarlamalar ortalyǵynda.

Buǵan deıin atalǵan baǵdarlama aıasynda ǵylymı taǵylymdamalarǵa irikteý qalaı ózgeretinin jazǵanbyz.

Sonymen qatar 2026 jyly «Bolashaq» stıpendııasyn taǵaıyndaý tártibine ózgeris engiziledi.