Bolashaq avıatorlar áskerı ant qabyldady (FOTO)
ASTANA. QazAqparat - Búgin osy kóktemde QR QK Áýe qorǵanysy kúshterine qarasty 44813 áskerı bólimine merzimdi qyzmetke shaqyrylǵan 50 bozbala saltanatty túrde áskerı ant qabyldady. Avıatorlardyń jańa býynyn bólim komandıri polkovnık B. Nurpeıisov quttyqtady.
Bul týraly QR QM baspasóz qyzmeti habarlady.
«Men Pavlodar qalasynyń týmasymyn». Búgin men jáne meniń 49 qarýlasym úlken maqtanyshpen áskerı ant qabyldady. Bul bizdiń ómirimizdegi ataýly kún, sebebi, búgin bizdiń Otan qorǵaýshylarymen birge bir qatarǵa turdyq», - dep óziniń alǵan áserimen merzimdi qyzmet áskerı qyzmetshisi Shyńǵys Jumamıdınuly bólisti.
Osy sátten bastap jas jetkinshekter Qazaqstan Qarýly Kúshteriniń qataryna resmı túrde qabyldandy. Olar ózderiniń týǵan-týysqandarymen bir jylǵa qoshtasty jáne alǵash ret biryńǵaı sappen áskerı bólimniń alańqaıynan adymdap ótti.
Endi jetkinshekter 44813 áskerı bóliminde qyzmet etip, kúrdeli áskerı ǵylymdy tanı bastaıdy. Múmkin, bir jylǵy merzimdi qyzmetten keıin búgingi jas býyn kelisimshart boıynsha áskerı qyzmetshiler retinde qazaqstandyq ásker qataryn tolyqtyratyn shyǵar.
