Bolashaq analardyń COVID-19-ǵa qarsy ekpeni qashan alǵany durys

NUR-SULTAN. QazAqparat – Qazaqstannyń reprodýktıvti medıtsına qaýymdastyǵynyń prezıdenti, professor Vıacheslav Lokshın bolashaq analarǵa COVID-19-ǵa qarsy ekpeni qaı kezde alý qajettigin aıtty, dep habarlaıdy QazAqparat tilshisi.

«Ótken bir jarym jyl ishinde biz COVID-19 naýqastarynyń arasynda júkti áıelder kóp ekenin kórdik. Vırýstyń «Ýhan», «Brıtandyq» sııaqty alǵashqy shtamdarynda júkti áıelder qatty aýyrmaǵan edi. Degenmen olardyń arasynda ólim, balanyń shetineýi jáne merziminen buryn bosaný kóp bolǵan. Barǵan saıyn vırýs beıimdelip, júkti áıelderge qattyraq áser ete bastady. Álemdegi akýsher-gınekologtardyń bári osylaı dep dabyl qaǵýda. Vırýstyń kesirinen bolashaq analar pnevmonııany da aýyr ótkeretin boldy. Bul júkti áıelder arasyndaǵy ólimniń ósýine, júktilik kezinde aýyr asqynýlarǵa ákelip otyr», - degen professor júktilik kezinde qan uıýynyń joǵarylaýy, ımmýndyq qorǵanystyń tómendeýi, ókpe qozǵalysynyń qıyndaýy sııaqty ózgerister jıi kezdesip jatqanyn atady.

«Aýrýdyń aldyn alýdyń bir joly bar – júktilikke deıin vaktsına qabyldaý kerek. ıAǵnı júktiliktiń bastalýyna úsh-tórt apta qalǵanda vaktsıantsııań tolyq krýsyn aıaqtaǵan jón. Biraq bul jasalmasa, júktilik kezinde vaktsına alý usynylady. Búgingi tańda álemniń kóptegen elderi organogenez aıaqtalǵan kezde 12-16 aptadan keıin júkti áıelderdi vaktsınatsııalap jatyr» - dedi dáriger.

Onyń málimeti boıynsha, álemniń kóptegen elderindegi júkti eriktilerge júrgizilgen zertteýler vaktsınanyń uryqqa jáne júktilik aǵymyna teris áser etpeıtinin kórsetken.

«Óıtkeni, óltirilgen vırýs nemese onyń aǵzada kóbeımeıtin bólshekteri bar. Biraq antıdeneler shyǵarylady, olar keıinnen balany qorǵaıdy. Sondyqtan, júkti áıelderdi vaktsınatsııalaý-aýyr vırýstyq ınfektsııadan qorǵaý úshin óte mańyzdy kezeń», - dedi Vıacheslav Lokshın.