Bolashaq AQSh-taǵy stýdentterge «Helen» tropıkalyq daýylyna baılanysty eskertý jasady
ASTANA. KAZINFORM — AQSh-tyń Florıda shyǵanaǵy jaǵalaýyna «Helen» tropıkalyq daýyly jaqyndap qaldy. Osyǵan baılanysty Halyqaralyq baǵdarlamalar ortalyǵy AQSh-ta «Bolashaq» baǵdarlamasymen bilim alyp jatqan stıpendıattarmen únemi baılanysta ekenin aıtyp, resmı habarlama jasady.
«Helen» tropıkalyq daýyly týraly aqparatty 23 qyrkúıek kúni Ulttyq daýyldy baqylaý ortalyǵy (NHC) habarlady. Eń joıqyn tropıkalyq daýyldyń jaqyndaýyna baılanysty Halyqaralyq baǵdarlamalar ortalyǵy jaǵdaıdy qadaǵalap, aımaqtaǵy stıpendıattarmen únemi baılanysta ekenin habarlady. Florıda shyǵanaǵy jaǵalaýynda Daýyl 26 qyrkúıekte bolady dep kútilip otyr.
«Florıda shtatynyń tórt ýnıversıtetinde — Florida State University, University of Florida, University of South Florida jáne University of Miami — Qazaqstannan 31 stıpendıat oqıdy. Bul oqý oryndary ýaqytsha jabyldy. Barlyq stıpendıattarǵa qaýipsizdik sharalary habarlandy jáne jergilikti bıliktiń usynystaryn oryndalyp jatyr, bizdiń kýratorlar stıpendıattarymyzben baılanysta, — dep habarlady «Halyqaralyq baǵdarlamalar ortalyǵy» AQ baspasóz hatshysy Lázzat Týkýsheva.
Qazirgi ýaqytta jaǵdaı turaqty.
Halyqaralyq baǵdarlamalar ortalyǵy stıpendıattardy saqtyq sharalaryn saqtaýǵa jáne óz qaýipsizdigińiz úshin baılanysta bolýǵa shaqyratynyn jetkizdi.
