Bokstan jastar arasyndaǵy Azııa chempıonatynda qazaqstandyq sportshy jeńimpaz atandy

ASTANA. QazAqparat – Taıland astanasy Bangkok qalasynda 22 jasqa deıingiler arasynda ótip jatqan Azııa chempıonatynda qazaqstandyq Jasmın Qızatova jeńimpaz atandy, dep habarlaıdy QazAqparat tilshisi.

Qazaqstandyq boksshy 70 kelige deıingi salmaqta ózbekstandyq Azıza Zokırovamen judyryqtasty.

Óte tartysty ótken jekpe-jekte J.Qızatova jeńiske jetti. Tóreshiler esebi – 3:2.

Osylaısha, Qazaqstan qorjynyna alǵashqy altyn tústi.

Endi fınalda rıngke shyǵatyn bir ǵana boksshy qyzymyz qaldy. Gúlsaıa Erjan 81 kelige deıingi salmaqta taılandtyq Pornıppa Chýtımen altyn júldeni sarapqa salady.

Budan buryn Móldir Toıkova (50 kg), Ánel Saqysh (54 kg), Vıktorııa Grafeeva (57 kg), Shahnaz Isaeva (60 kg), Nazerke Serik (63 kg), Aqnar Işanova (66 kg) jáne Dana Dıdaı (75 kg) qola júldeni qanaǵat tutqan edi.

Eske sala keteıik, budan buryn Azııa chempıonatynda taǵy úsh boksshynyń fınalǵa shyqqanyn jazǵan edik.

Sondaı-aq qazaqstandyq eki boksshy qyz Azııa chempıonatynyń fınalyna shyqty.

Foto: sports.kz