Bokstan jastar arasyndaǵy Azııa chempıonaty aıaqtaldy, Qazaqstan quramasy birinshi orynda
ASTANA. 16 naýryz. QazAqparat - Búgin, 16 naýryz kúni Fılıppınniń Sýbık-Beı qalasynda aıaqtalǵan bokstan jastar arasyndaǵy Azııa chempıonatynda qazaqstandyq sportshylar tórt altyn men bir kúmis medaldar jeńip aldy.
Bul nátıje otandyq sportshylardy komandalyq esepte birinshi orynǵa shyǵardy. Bul týraly Qazaqstan boks federatsııasynan habarlady.
«Altyndy» Qanat Kóptileýov (56 keli, Aqtaý q.) Aıtjan Shleev (69 keli, Taraz q.), Tursynbaı Qulahmet (75 keli, Qyzylorda q.), Ádilet Orynbasarov (81 keli, Astana q.) qanjyǵalaryna baılady. Kúmis medaldy Aıbek Ermetov (91 keli, OQO) enshiledi.
Azııa chempıonatyna qurlyqtyń 24 elinen barlyǵy 129 sportshy qatysty.
