Bokstan jastar arasyndaǵy Azııa chempıonaty: 14 qazaqstandyq fınalǵa shyqty
ASTANA. QazAqparat - Qazaqstandyq 14 sportshy Bangkokte bokstan jastar arasyndaǵy Azııa chempıonatynyń fınalyna shyqty, dep habarlaıdy «SPORTINFORM» SAA.
Erler arasyndaǵy jarysta jartylaı fınalda Mahmud Sabyrhan (49 kg), Talǵat Shaıkenov (64 kg), Ermahan Shakpekov (69 kg), Nurbek Oralbaı (75 kg), Saǵyndyq Toǵymbaev (81 kg), Aıbek Oralbaı (91 kelige deıin) jáne Damır Toıbaı (91 keliden joǵary) jeńiske jetti.
Beıbarys Jeksen (56 kg) jartylaı fınalda jeńilip, qola júldeni mise tutty.
Týrnırdiń áıelder jarysynyń fınalyna Jansaıa Ábdiraımova (51 kg), Aızada Islamǵalı (54 kg), Erkejan Daýletjanqyzy (57 kg), Maııa Beısebaeva (69 kg), Nadıa Rıabets (75 kg) ótti.
Fınaldan keıin Gýzal Sadyqova (81 kelige deıin) men Dına Islambekova (81 keliden joǵary) birden óner kórsetedi.
Jartylaı fınalda Ánel Qudaıbergen (48 kg), Marııa Gladkova (60 kg) men Juldyz Toıkova (64 kg) ese jiberip, «qola» júldeni qanaǵat etti.
