Bokstan jastar arasyndaǵy álem chempıonaty aıaqtaldy

NUR-SULTAN. QazAqparat - Polshanyń Keltse qalasynda ótip jatqan jastar arasyndaǵy álem chempıonatynda qazaqstandyqtar eki altyn, eki kúmis aldy, dep habarlaıdy QazAqparat.

Álem chempıonatynda elimizdiń qorjynyna taǵy bir «altyn» men bir «kúmis» tústi.

Chempıon ataǵyna 64 kelide synǵa túsken Sabyrjan Aqqalyqov ıe boldy. Ol fınalda Bozorboıa Matıakýbovty tize búktirdi.

Al Elnur Súıinbaı (60 keli) aqtyq synda japonııalyq Reıto Tsýtsýmıge ese jiberdi.

Budan buryn Sanjar Tashkenbaı (49 keli) «altyn», Erbolat Sabyr (56 keli) fınalda «kúmis» júldeger atanǵan bolatyn.

Taǵy bir boksshymyz Dıas Moljigitov (75 keli) qola júldege qol jetkizdi.

Esterińizge sala ketelik, keshe, 23 sáýirde álem chempıonatynda qyzdardan Juldyz Shaıahmetova (60 keli) men Dana Dıdaı (75 keli) «kúmis» júldeger boldy.