Bokstan jastar arasynda Azııa chempıonatynda taǵy úsh boksshy fınalǵa shyqty

ASTANA. QazAqparat – Taıland astanasy Bangkok qalasynda 22 jasqa deıingiler arasynda bokstan ótip jatqan Azııa chempıonatynda qazaqstandyq úsh sportshy fınalǵa shyqty, dep habarlaıdy QazAqparat tilshisi.

Abzal Serik 67 kelige deıingi salmaqta kambodjalyq Penh Vanthýngpen judyryqtasyp, birinshi jáne úshinshi raýndta nokdaýnǵa jiberdi. Tóreshiler esebi – 5:0.

Jastar arasynda álem chempıony Sabyrjan Aqqalyqov 71 kelige deıingi salmaqta tájikstandyq Dovýd Mahkamovtan aılasyn asyrdy.

Dıas Moljigitov (75 kg) jartylaı fınaldyq kezdesýin sátti ótkizdi. Ol qytaılyq Aılıkýtı Kahaerdi qazylardyń biraýyzdan sheshiminen tize búktirdi.

Al Talǵat Syrymbetov 60 kelige deıingi salmaqta qola júldeni qanaǵat tutty. Ol jartylaı fınalda taılandtyq Phýthanet Rodsýkpen judyryqtasyp, birinshi raýndta nokdaýnǵa jibergenimen, jalpy esepte tóreshiler sheshimimen qarsylasyna jol berdi.

Sondaı-aq Muhammedsabyr Bazarbaıuly 63,5 kelige deıingi salmaqta qola júldeger atandy. Tóreshiler bul jekpe-jekte mońǵolııalyq Týlga Oıýnbaatar jeńdi dep tapty – 3:2.

Eske sala keteıik, budan buryn Azııa chempıonatynda eki boksshynyń fınalǵa shyqqanyn jazǵan edik.

Sondaı-aq Mahmýd Sabyrhan altyn úshin talasady.

Foto: sports.kz