Bokstan jastar arasynda ACh: Mahmýd Sabyrhan qarsylasyn nokaýtpen jeńdi
ASTANA. QazAqparat - Bangkokta 22 jasqa deıingiler arasynda bokstan ótip jatqan Azııa chempıonatynda Mahmýd Sabyrhan jartylaı fınalǵa shyqty, dep habarlaıdy QazAqparat tilshisi.
Eresekter arasynda álem jáne Azııa chempıonatynyń kúmis júldegeri M.Sabyrhan 57 kelige deıingi salmaqta malaızııalyq Akmal Mýhammedpen judyryqtasty.
Birinshi raýndta-aq Mahmýd qarsylasyn nokdaýnǵa jiberdi. Ekinshi kezeńde tóreshi taǵy esep ashqannan keıin tehnıkalyq nokaýt tirkeldi.
Sóıtip Mahmýd Sabyrhan da jartylaı fınalǵa joldama aldy. Ol birinshi jekpe-jeginde ózbekstandyq Mırzabek Mırzahalılovtan aılasyn asyrǵan edi.
Eske sala keteıik, budan buryn qazaqstandyq boksshynyń jastar arasynda Azııa chempıonatynyń jartylaı fınalyna shyqqanyn jazǵan bolatynbyz.
Sondaı-aq Azııa chempıonatynda taǵy bir qazaqstandyq jartylaı fınalǵa shyqty.
Foto: sports.kz
