Bokstan jastar arasynda ACh: qazaqstandyq eki boksshy fınalǵa shyqty

ASTANA. QazAqparat – Taıland astanasy Bangkok qalasynda 22 jasqa deıingiler arasynda bokstan ótip jatqan Azııa chempıonatynda eki qazaqstandyq sportshy fınalǵa shyqty, dep habarlaıdy QazAqparat tilshisi.

Sanjar Táshkenbaı 48 kelige deıingi salmaqta taılandtyq Natthaphong Thýamcharonmen judyryqtasty.

Sanjar qarsylasyn ekinshi raýndta nokdaýnǵa jiberip, aıqyn basymdylyqpen utty. Tóreshiler sheshimi – 5:0.

Taǵy bir qazaqstandyq Nursultan Altynbek 54 kelige deıingi salmaqta qyrǵyzstandyq Islam Torobaevpen rıngke shyqty.

Qazylar biraýyzdan jeńisti Nursultanǵa berdi.

N.Altynbek fınalda fılıppındik Flınt Djaramen altyn júlde úshin talasady.

Eske sala keteıik, budan buryn bokstan Azııa chempıonatynda Mahmýd Sabyrhannyń qarsylasyn nokaýtpen jeńgenin jazǵan edik.

Sondaı-aq úsh qazaqstandyq jartylaı fınalǵa shyqty.

Jartylaı fınalda taǵy bir joldama qolda.

Ashyq kózderden alynǵan foto