Bokstan jastar arasyndaǵy Azııa chempıonatynyń jarys kestesi belgili boldy

ASTANA. KAZINFORM - Shrı-Lanka astanasy Kolombo qalasynda 10-24 mamyr aralyǵynda ótetin 22 jasqa deıingi boksshylar arasyndaǵy Azııa chempıonatynyń jarys kestesi belgili boldy.

Bul jóninde Azııa boks konfederatsısy (ASBC) málim etti.

Qurlyqtyq doda 11 mamyrda tehnıkalyq jınalys pen týrnırdiń jerebe tartý rásimimen bastalady. Alǵashqy jarys kúni 12 mamyrda bolsa, irikteý kezeńi 18 mamyrǵa deıin jalǵasady.

Al 20 jáne 21 mamyr kúnderi jartylaı fınal ótse, 22 jáne 23 mamyrda fınaldyq jekpe-jek ótkiziledi. Qurlyqtyq doda resmı túrde 24 mamyrda jabylady.

Eske salsaq, budan buryn elimizdiń 17 jasqa deıingi boksshylary Azııa chempıonatynda 10 altyn aldy.

Qurlyqtyq doda World Boxing aıasynda alǵash ret ótti. Onda elimizdiń uldar jáne qyzdar quramalary barlyǵy 10 altyn medal aldy. Onyń 5-eýi uldarǵa buıyrsa, 5-eýi qyzdardyń enshisine tıdi.