Bokstan jastar arasyndaǵy ÁCh: Taǵy 2 qazaqstandyq «altyn» aldy

ASTANA. KAZINFORM — Chernogorııanyń Býdva qalasynda ótip jatqan bokstan jastar arasyndaǵy 2024 jylǵy álem chempıonatynda taǵy eki qazaqstandyq boksshy altyn medal aldy.

Aldymen el quramasynan Sanjaráli Begalıev (75 keli) ózbekstandyq Djafarbek Shahbazovpen qolǵap túıistirdi. 
Jekpe-jek barysynda qarsylasyn aıqyn basymdyqpen tize búktirdi.
Al Arýjan Zeınollaeva (81 keli) taǵy bir ózbekstandyq Rýhshona Parpıevamen sharshy alańǵa shyǵyp, tóreshilerdiń biraýyzdan sheshimimen jeńiske jetti.
Aıta ketsek, buǵan deıin el quramasynan Tórehan Sabyrhan jastar arasynda álem chempıony atanǵan edi. Ol kýbalyq Devıd Manýel Espınosa Santoıany jeńdi.
Eske salsaq, Qazaqstannyń 7 boksshysy jastar arasyndaǵy álem chempıonatynyń fınalyna shyqty.