Bokstan jasóspirimder arasyndaǵy Azııa chempıonatynda qazaqstandyq «altyn» aldy

NUR-SULTAN. QazAqparat - Iordanııa astanasy Amman qalasynda ótip jatqan bokstan jastar men jasóspirimder arasyndaǵy Azııa chempıonatynda alǵashqy altyn medal qorjynǵa tústi, dep habarlaıdy QazAqparat tilshisi.

Qurlyqtyq dodada 66 kelide synǵa túsken Arýjan Jańabaeva ıordanııalyq Nýha Al-Zýbımen qolǵap túıistirgen edi. Jekpe- jekte qazaqstandyq boksshy qarsylasyn eki márte nokdaýnǵa jiberdi. Nátıjesinde tóreshiler jekpe-jekti erterek aıaqtaýǵa májbúr boldy.

Eske salsaq, jastar men jasóspirimder arasyndaǵy Azııa chempıonatynyń fınalynda elimizdiń atynan barlyǵy 27 sportshy baq synaýǵa múmkindik aldy.

Aıta ketsek, buǵan deıin Uldana Taýbaı (60 keli) úndistandyq Nıkıta Chandqa, Nursulý Súıináli (63 keli) úndistandyq Shrýshtı Sachınge, Roksolona Valıeva (70 keli) ózbekstandyq Oısha Toırovaǵa jol berip qoıdy.

Búgin, 13 naýryzda jasóspirim uldar men qyzdar sharshy alańǵa shyǵýda.