Bokstan Ulttyq quramanyń jańa kapıtany saılandy
Qońqabaev asa aýyr salmaqta synǵa túsetin boksshy. Ol 2017 jylǵy álem chempıonatynda fınalǵa jetip, kúmis júldeger atanǵan bolatyn.
«Komanda kapıtany bolý úlken jaýapkershilik júkteıdi. Sportshylarǵa úlgi bolyp, jol kórsetý - mindetim dep esepteımin. Jańa jyldan bastap komandaǵa jas boksshylar qosyldy. Qurama birshama jańaryp qaldy. Bas bapkerimiz de aýysty. Sol sebepti, bárimiz bir judyryqtaı jumylyp, Qazaqstan namysyn abyroımen qorǵaý úshin bar kúshimizdi salamyz», - dedi Qońqabaev.
Bul kúnderi Qazaqstan boksshylary AІVA akademııasynyń bazasynda jyldyń alǵashqy jıynyn ótkizip jatyr.
Eske salaıyq, ulttyq qurama kapıtany mindetin atqarǵan Ádilbek Nııazymbetov sporttaǵy mansabyn aıaqtaǵan bolatyn. Sondaı-aq bokstan Qazaqstan ulttyq quramasyn 2009 jyldan beri jattyqtyrǵan Myrzaǵalı Aıtjanov qyzmetinen bosatylyp, onyń ornyna Ǵalymbek Kenjebaev taǵaıyndaldy.