Bokstan ulttyq quramanyń bas bapkeri Ǵalymbek Kenjebaev: Maqsatymyz – Olımpıadaǵa segiz salmaqta da joldama alý
- Ǵalymbek Qalıuly, Halyqaralyq Olımpıada komıtetiniń jumys toby Qytaıdaǵy qaýipti koronavırýsqa baılanysty 3-14 aqpan aralyǵyna josparlanǵan 2020 jylǵy Tokıo Olımpıadasyna Azııa/Tynyq muhıty elderi boksshylaryn irikteý týrnırin ózge elge, ıaǵnı Iordanııanyń Amman qalasyna aýystyrǵany belgili. Bul sheshim alǵashqy josparlaryńyzǵa keri áserin tıgizip jatqan joq pa?
- Halyqaralyq Olımpıada komıtetiniń bul sheshimin oń qabyldadyq. Sebebi, árqashan adam densaýlyǵy basty orynda bolý kerek. Biz de, boksshylarymyzdyń bas amandyǵy men qaýipsizdigin basty nazarda ustaımyz. Sondyqtan, atalǵan týrnırdiń ornyn aýystyrǵany óte durys boldy.
- Olımpıadaǵa irikteý týrnıriniń ótetin ornymen qatar ýaqyty da ózgerdi. ıAǵnı alǵashqy ýaqyt aqpan aıynyń basy bolsa, endi 3-11 naýryz aralyǵyna týra bir aıǵa ári syrǵydy. Bul ýaqyt ózgerisi erteń báıgege shapqaly turǵan boksshylarymyzdyń kóńilin sýytyp, ary qaraı jattyǵýyn jalǵastyrýǵa keri áser berip jatqan joq pa?
- Joq, eshqandaı keri áseri bolyp jatqan joq. Biz, osyǵan deıin qalaı daıyndalyp jatsaq, ary qaraı da solaı jattyǵýymyzdy jalǵastyra beremiz. Elordaǵa jınalyp, jattyǵýdy bastaǵaly biraz kún bolyp qaldy. Bizdiń qazirgi bar maqsatymyz – naýryzdaǵy Olımpıadaǵa irikteý týrnırinde barlyq salmaq túrinen joldama jeńip alý. Bizde daıyndyq úshin naýryzǵa deıin áli bir aı ýaqyt bar. Oǵan deıin biz taǵy bir jattyǵý jıynyn ótkizip, daıyndyqty údete túsemiz.
- Іrikteý týrnırine boksshylar tolyq quramda qatysady ǵoı?
- Buıyrsa, tolyq quramda baramyz dep otyrmyz. Qalaıda, segiz salmaq dárejesiniń barlyǵynda lıtsenzııaǵa ıelik etýimiz kerek. Qazir, ózderińiz de jaqsy bilesizder, Azııa boksynyń qarqyny joǵary. Sondyqtan, bizge bosańsýǵa bolmaıdy.
- Iordanııadaǵy irikteý jarysyna baratyn boksshylar tizimi belgili boldy ma?
- Tokıo Olımpıadasyna joldama taratatyn eki týrnır bar. Onyń alǵashqysy - osy Iordanııanyń Amman qalasynda ótetin týrnır. Ekinshisi, mamyr aıynda Parıjde ótetin álemdik irikteý týrnıri. Biz, barynsha Amman qalasynda joldama alýǵa kúsh salyp jatyrmyz. Sondyqtan, birinshi týrnırge eń myqty degen boksshylardy alyp baramyz. Alaıda, ázirge kimderdiń baratynyn aıtý erterek. Sebebi, jattyǵý barysynda keıde oılamaǵan jaǵdaılar oryn alýy yqtımal. ıAǵnı senip otyrǵan bir boksshymyz jaraqat alyp qalyp, tańdaý ekinshi nómirli boksshyǵa túsýi de múmkin. Sol sebepti, dál qazir naqty kimderdiń baratynyn aıta almaımyz.
- Osyǵan deıin, kásipqoı boksshylardy Olımpıadaǵa qatystyrý, qatystyrmaý jóninde pikirtalas bolyp jatqanyn estigen edik. Bul másele jóninde ne aıtar edińiz?
- Ol másele tolyǵymen sheshilgen joq. Halyqaralyq Olımpıada komıteti qarastyryp jatyr. Kásipqoı rıngte tek 15 jekpe-jek ótkizgen, áli de ataq-dańqy shyqpaǵan boksshylarǵa qatysýǵa ruqsat beredi dep estidim. Biraq, bul naqty sheshim emes. Sondyqtan, birdeńe aıta almaımyn.
- Al ózińizdiń jeke kózqarasyńyz qalaı? Negizi, kásipqoı boksshylardy qatystyrǵan durys pa?
- Meniń oıymsha, belgili bir tıtýlǵa ıe bolǵan kásipqoı boksshylardy Olımpıadaǵa qatystyrýdyń keregi joq. Olardyń daıyndyǵy, judyryqtasý tehnıkasy ózgeshe bolady. Al áýesqoı boksshylarda basqasha. Kásipqoılar jylyna 3-4 nemese, 5-6 ret qana sharshy alańǵa shyǵady. Bizde aı saıyn, ár túrli jarystar ótedi. Jyl boıy sharshy alańǵa shyǵamyz. Eger, kásipqoılardy qatystyratyn bolsa, olarmen arnaıy kelisimshart jasap, oqý-jattyǵýdy birge ótkizýimiz kerek. Meniń oıymsha, kásipqoı rıngte júrgen boksshylar áýesqoıǵa kele bermeıdi. Al, áýesqoılar kásipqoıǵa tez ketip qalady.
- Áńgimeńizge rahmet! Sáttilik tileımiz...
Foto: olympic.kz