Bokstan Ulttyq qurama múshesi Ábilhan Amanqul kásipqoı boksqa aýysty

NUR-SULTAN. QazAqparat - Bokstan Qazaqstan quramasynyń beldi múshesi 75 keli salmaqta synǵa túsip júrgen Ábilhan Amanqul kásipqoı boksqa aýysty, dep habarlaıdy QazAqparat.

Qańtar aıynda Amanqul Nur-Sultan qalasynda Suleimen Promotion promoýterlik kompanııasynyń boksshylarymen birge jattyqqan bolatyn.

Búgin atalǵan promoýterlik kompanııa óziniń Instagram jelisinde Amanquldyń ózderimen kelisimshartqa otyrǵanyn jarııa etti.

«Komanda quramyna Ábilhan Amanquldyń kelgeniń resmı túrde habarlaımyz. Ábilhanǵa aldaǵy kásipqoı boksta tek sáttilik pen jeńister tileımiz», - delingen jazbada

Ábilhan Amanqul - 2017 jyly álem chempıonatynyń kúmis júldegeri atanǵan edi. Sonymen qatar, ol Azııa oıyndarynyń (2018) kúmis jáne Azııa chempıonatynyń (2017) qola júldesin jeńgen. Odan bólek, Jambyl oblysynyń týmasy úsh ret (2016, 2018, 2020) Qazaqstan chempıony ataǵyna qol jetkizgen.

Osy oraıda aıta keteıik, osyǵan deıin bokstan Ulttyq quramanyń kapıtany Abylaıhan Júsipov ta kásipqoı boksqa aýysqan bolatyn. Onyń ornyna komanda kapıtany bolyp Aslanbek Shymbergenov belgilengen edi.