Bokstan ulttyq qurama: Ǵalymbek Kenjebaev bas bapkerlikten ketti
Bul týraly Qazaqstan Bkos federatsııasynyń resmı saıty jazdy.
«Bokstan Qazaqstan ulttyq quramalaryna jańa bapkerler taǵaıyndaldy. Qazaqstan boks federatsııasynyń usynysy boıynsha QR Mádenıet jáne sport mınıstrliginiń Dene shynyqtyrý jáne sport komıteti erler jáne áıelder komandalarynyń jańa bas jattyqtyrýshylaryn bekitti», - dep jazady fderatsııanyń resmı saıty.
Naqty aıtsaq, Qazaqstannyń erler ulttyq quramasyn Qaırat Sátjanov jattyqtyratyn boldy. Osylaısha ol 2018 jyldan beri bas bapker bolǵan Ǵalymbek Kenjebaevty almastyrdy.
«Qaırat Sátjanovtyń bapkerlik ótili – 31 jyl. 2011-2019 jyldary Qazaqstan jasóspirimder quramasynyń aǵa jattyqtyrýshysy bolyp jumys istedi. Osy ýaqyt ishinde Sátjanov bastaǵan jas boksshylar «Azııa balalary (2012 j. – 4/4/2, 2016 j. – 4/4/3) halyqaralyq oıyndarynda tabysty óner khrsetip, álem chempıonattarynda eki ret eń myqty úshtiktiń qataryna kirdi (2013 j. – 2/1/5, 2015 j. – 1/1/3). Sondaı-aq, Azııa chempıonattarynda eki ret komandalyq esepte jeńiske jetti (2013 j. – 8/2/1, 2017 j. - 8/2/2)», - dep jazylǵan saıttyń málimetinde.
2019 jyly Qaırat Sátjanov Qazaqstan jastar quramasynyń aǵa jattyqtyrýshysy bolyp taǵaıyndaldy. Eki jyl ishinde onyń shákirtteri Azııa chempıonattarynda eki ret komandalyq esepte jeńiske jetti (2019 j. – 6/1/2, 2021 j. – 8/2/2) jáne álem chempıonatynda ekinshi oryn aldy (2021 j. – 2/2/1).
Sondaı-aq, bokstan Qazaqstan áıelder quramasynyń jańa bas bapkeri taǵaıyndaldy.
«Óz erkimen ketken Erik Alǵabektiń ornyna Shamıl Safıýllın bekitildi. Shámil Safıýllınniń bapkerlik eńbek ótili – 25 jyl. Osy ýaqyt ishinde ol Qazaqstanda da, shetelde de jumys istep úlgerdi. Álem chempıonattarynyń júldegerlerin, Azııa chempıondaryn jáne Qazaqstan birinshiliginiń birneshe dúrkin jeńimpazdaryn daıyndady. 2018 jyldan bastap Shámil Abdýlbarıuly bokstan Qazaqstan áıelder quramasynyń aǵa jattyqtyrýshysy qyzmetinde eńbek etti», - dep jazady federatsııanyń resmı saıty.
