Bokstan ulttyq qurama elge oraldy

NUR-SULTAN. QazAqparat - Búgin bokstan Qazaqstan quramasy Reseıdiń Ekaterınbýrg qalasynda ótken álem birinshiliginen elge oraldy, dep habarlaıdy QazAqparat Olympic.kz silteme jasap.

Qazaqstan quramasy atalǵan álem chempıonatynda 1 altyn, 1 kúmis, 4 qola júlde jeńip alǵan edi. Osylaısha, jalpy medal kestesinde ulttyq qurama 3-orynǵa jaıǵasty.

Álem birinshiliginde mańǵystaýlyq Bekzat Nurdáýletov (81 kg) chempıon atansa, Qamshybek Qońqabav (91 kg) kúmis medal ıelendi. Al Sáken Bıbosynov (52 kg), Abylaıhan Júsipov (69 kg), Tursynbaı Qulahmet (75 kg) jáne Vasılıı Levıt (91 kg) qola júldeni qorjynǵa salǵan bolatyn.