Bokstan U23 Azııa chempıonatynda Nurasyl Tólebek shırek fınalǵa shyqty
ASTANA. KAZINFORM - Bokstan Indonezııa astanasy Djakarta qalasynda jalaýyn kótergen 23 jasqa deıingi sportshylar arasynda Azııa chempıonatynda Nurasyl Tólebek (60 keli) shırek fınalǵa shyqty.
Qazaqstandyq boksshy Azııa chempıonatynyń alǵashqy aınalymynda tájikstandyq Damır Mýbalıhonovpen ózara myqtyny anyqtady. Jekpe-jek 3 raýndqa jalǵasty. Nátıjesinde tóreshiler 4:1 esebimen otandasymyzdy jeńimpaz dep tanydy.
Aıta ketsek, budan buryn el quramasynan Asylhan Kósherbaı (65 keli) búgin 1/8 fınalda Býtan ókili Dechen Dorjıdi 5:0 esebimen jeńdi.
Aıta ketsek, bas bapker Maqsat Baqtybazarov qurlyqtyq dodaǵa U23 erler quramasynda olardan ózge Nurzat Ońǵarov (50 keli), Beksultan Boranbek (55 keli), Nurbek Mursal (70 keli), Aman Qonysbek (75 keli), Óner Seıilhan (80 keli), Temirlan Muqataev (85 keli), Ibragım Betaev (90 keli), Aslan Eldibaıuly (90 keliden joǵary) sekildi shákirtterin alyp bardy.
Sondaı-aq qurlyqtyq dodada U23 qyzdar, U19 uldar jáne qyzdar quramalary el namysyn qorǵaıdy.
