Bokstan U19 álem chempıonaty: tórt qazaqstandyq boksshy fınalǵa shyqty
ASTANA. KAZINFORM — Chernogorııanyń Býdva qalasynda bokstan 19 jasqa deıingi sportshylar arasynda álem chempıonaty ótip jatyr. Týrnır aıasynda jartylaı fınal jekpe-jekteri aıaqtaldy. Onyń qorytyndysy boıynsha tórt qazaqstandyq boksshy aqtyq synǵa shyqty. Bul týraly UOK málim etti.
Alına Qudaıgenova (57 keli), Bıbarys Áshirbaı (70 keli), Zarına Tolybaı (80 keliden joǵary), Vladıslav Samojonov (90 keliden joǵary) altyn medal úshin judyryqtasady.
Al Madıra Jumaqan (51 keli), Indıra Qydyrmoldaeva (60 keli), Danııar Aqbısenov (60 keli), Erketań Jarqynbek (90 keli) jarysty qola júldemen aıaqtady.
Aıta keteıik, fınal 27 qazan kúni, Astana ýaqytymen 18:00-de bastalady.
Buǵan deıin Baǵdat Sabaz álem chempıonatynda Qyrǵyzstan balýanyn jeńgenin jazdyq.
