Bokstan «Tórt eldiń kýbogy»: Qazaqstan quramasy jeńimpaz!
ASTANA. 18 aqpan. QazAqparat - Qazaqstannyń bokstan qurama komandasy «Tórt eldiń kýbogy» aıasyndaǵy úsh matchtyq kezdesýlerdiń barlyǵynda jeńiske jetti.
Sońǵy kezdesýde qazaqstandyq boksshylar Ýkraına quramasyn 9:1 esebimen oısyrata utty, dep habarlaıdy www.vesti.kz.
Qazaqstan quramasynyń qorjynyna alǵashqy upaıdy Birjan Jaqypov (49 keli salmaqtyq dáreje) alyp keldi, ol Nazar Kýrotchındi jeńdi. Onyń sońynan, senimdi jeńisterine Aleksandr Shepelıýkti jeńgen Іlııas Súleımenov (52 keli) - 19:8, Oleg Pýrdkıdi jeńgen Qaırat Eralıev - 18:12 qol jetkizdi.
Qazaqstandyqtardyń basymdyǵyn Pavel Işenkonyń (60 keli) qolynan jeńisti sýyryp alǵan Ǵanı Jaılaýov bekite tústi - 11:9, al Aıdar Ámirzaqov (64 keli) Oleg Neklıýevten basym túsip - 17:8, óz komandasyn aldyn ala jeńiske jaqyndatty.
Al dál sol aldyn ala jeńisti Denıs Lazarevpen (69 keli) judyryqtasqan Baqytjan Qojabekov alyp keldi - 19:9. Degenmen, kelesi kezdesýde qazaqstandyqtardyń kóńili bir tústi, Jánibek Álimhanuly (75 keli) jeńilis tapty. Qazaqstan quramasyn utqan jalǵyz jeńistiń avtory Evgenıı Hıtrov boldy.
Qalǵan qazaqstandyq boksshylar artylǵan senimdi aqtap, óz jekpe-jekterinde mereıleri ústem boldy. Máselen, Ádilbek Nııazymbetov (81 keli) Ivan Nesterenkony, Anton Pınchýk (91 keli) Arsen Azızovty, al Ivan Dychko (+91 keli) Vladımır Katsýkty soqqylardyń astyna aldy.
Eske salaıyq, buǵan deıin qazaqstandyq boksshylar Ázerbaıjan jáne Ózbekstan komandalaryn sáıkesinshe, 9:1 jáne 8:2 esepterimen jeńgen bolatyn.
