Bokstan Tokıo Olımpıadasyna irikteý týrnıri qaıda ótetini belgili boldy

NUR-SULTAN. QazAqparat - Halyqaralyq Olımpıada komıtetiniń sheshimine sáıkes, bokstan 2020 jylǵy Olımpıada oıyndary qaıda ótetini belgili boldy, dep habarlaıdy QazAqparat.

QR Boks federatsııasy habarlaǵandaı, Azııa elderi úshin biliktilik týrnıri qańtar aıynda Qytaıda ótedi. Al ekinshi álemdik týrnırdi mamyr aıynyń basynda Olımpıada oıyndary ótetin Japonııada ótkizilmek.

Qazaqstandyq boksshylar qatysatyn Azııalyq biliktilik týrnırine erler arasynda 41 lıtsenzııa jáne áıelder arasynda 22 lıtsenzııa oınatylady. Erler arasynda olar bylaısha bólinedi: 52 kg-ǵa deıin, 57 kg-ǵa deıin jáne 63 kg-ǵa deıin salmaq sanattarynda alty kvota, 69 kg-ǵa deıin, 75 kg-ǵa deıin jáne 81 kg-ǵa deıin salmaq sanattarynda bes kvota.

Al, áıelder arasynda kontınenttik týrnırde lıtsenzııalar kelesideı bólinetin bolady: 51 kg deıingi salmaq sanatynda alty kvota jáne qalǵan salmaq sanatynda tórt kvota (57 kg deıin, 60 kg deıin, 69 kg deıin, 75 kg deıin).

Álemdik irikteý týrnırine kontınentaldyq jarystarda lıtsenzııa ala almaǵan boksshylar qatysady. Olarǵa erler arasynda Tokıoda ótetin Olımpıadaǵa 31-35 kvota jáne áıelder arasynda 19-21 kvota bólinedi.

Aıta keteıik, Tokıodaǵy Olımpıada oıyndarynda boksshylar jarysty 2020 jylǵy 25 shildede bastap, 9 tamyz kúni aıaqtaıdy.