Bokstan «Strandja» týrnıri: Orazbek Asylqulov kelesi kezeńge ótti

ASTANA. QazAqparat - Qazaqstandyq boksshy Orazbek Asylqulov Bolgarııanyń Sofııa qalasynda ótip jatqan «Strandja» halyqaralyq týrnırinde alǵashqy jekpe-jegin ótkizdi, dep habarlaıdy QazAqparat Sports.kz portalyna silteme jasap.

1/16 fınalda 57 kelige deıingi salmaqtaǵy O.Asylqulov ırlandııalyq Djýd Gallahermen judyryqtasyp, tóreshilerdiń ártúrli sheshimimen jeńiske jetti. Aıta keteıik, birinshi raýndta tóreshilerdiń basym bóligi jeńisti Irlandııa boksshysyna berdi.
Osylaısha, Orazbek Asylqulov jarystyń kelesi kezeńine ótip, onda Lýıs Olıveıra (Brazılııa) - Djamal Harvı (AQSh) jekpe-jeginiń jeńimpazymen kezdesetin bolady.
Asylqulov 2021 jyly Qazaqstan chempıony atanǵan. «Strandjadaǵy» alǵashqy qarsylasy Djýd Gallaher - Irlandııa chempıony, ol Dostastyq oıyndarynyń altyn jáne jastar arasyndaǵy álem chempıonatynyń qola júldegeri.

Foto: sports.kz