Bokstan «Strandja» týrnıri: Nurqanat Raıys jarysty jalǵastyrady

ASTANA. QazAqparat - Bolgarııa astanasy Sofııa qalasynda ótip jatqan bokstan halyqaralyq «Strandja-2023» týrnırinde Nurqanat Raıys jarysty jalǵastyrýǵa múmkindik aldy, dep habarlaıdy QazAqparat tilshisi.

Qazaqstandyq sportshy 75 keli salmaqta synǵa tústi. Ol 1/8 fınalda avstralııalyq Domınık Molınarodan tóreshilerdiń biraýyzdan sheshimimen basym tústi.

Sondaı-aq, búgin jarystyń atalǵan satysynda Qamshybek Qońqabaev nıderlandtyq Sten Bertensti ekinshi raýndta nokaýtqa jiberdi.

Al Erasyl Tańqaı (60 keli) fılıppındiký Pol Djýlaıfer Baskonǵa, Ertýǵan Zeınýllınov (63,5 keli) ózbekstandyq Mýjıbıllo Týrsýnovqa ese jiberdi.

Oǵan deıin Bekzat Aldamjarov (54 keli) frantsııalyq Bıllal Bennamaǵa ese jiberip, jarystan tys qaldy.

Eske salsaq, atalǵan jarysqa qazaqstandyq 13 bylǵary qolǵap sheberi barǵan edi.