Bokstan «Strandja» kýbogi: Orazbek Asylqulov 1/4 fınalǵa shyqty
ASTANA. QazAqparat – Bokstan Bolgarııa astanasy Sofııada ótip jatqan «Strandja» kýboginde qazaqstandyq Orazbek Asylqulov shırek fınalǵa shyqty, dep habarlaıdy QazAqparat tilshisi.
Kishi álem chempıonatynda O.Asylqulov 57 kelige deıingi salmaqta ekinshi kezdesýin brazılııalyq Lýıs Olıveıramen ótkizdi.
L.Olıveıra alǵashqy jekpe-jeginde álem chempıony, amerıkalyq Djamal Harvıdi utyp ketken edi.
Bul joly 1/8 fınaldyq kezdesý qazaqstandyq boksshynyń basymdylyǵymen ótti. Tóreshiler jeńisti Orazbekke berdi, esep – 3:0.
Eske sala keteıik, budan buryn «Strandja» kýboginde qazaqstandyq segiz boksshynyń sharshy alańǵa shyǵatynyn jazǵan bolatynbyz.
Foto : sports.kz
