Bokstan «Strandja» kýbogi: Bekzat Nurdáýletov kelesi kezeńge ótti

ASTANA. QazAqparat – Bokstan Bolgarııa astanasy Sofııada ótip jatqan «Strandja» kýboginde qazaqstandyq, álem chempıony Bekzat Nurdáýletov shırek fınalǵa joldama aldy, dep habarlaıdy QazAqparat tilshisi.

Kishi álem chempıonaty dep te atalatyn aıtýly dodada B.Nurdáýletov 80 kelige deıingi salmaqta túbi reseılik, Serbııa atynan synǵa túsip júrgen Artem Ageevpen judyryqtasty. Tóreshiler jeńisti biraýyzdan qazaqstandyq boksshyǵa berdi.

Taǵy bir qazaqstandyq Kenje Muratuly 51 kelige deıingi salmaqta úndistandyq Bıshvamıtra Chongthamnan jeńilip qaldy – 0:5.

Eske sala keteıik, budan buryn «Strandja» kýboginde qazaqstandyq segiz boksshynyń sharshy alańǵa shyǵatynyn jazǵan bolatynbyz.

Búgin Orazbek Asylqulov ¼ fınalǵa joldama aldy.