Bokstan Strandj kýbogy: Taǵy bir qazaq qyzy fınalǵa shyqty

NUR-SULTAN. QazAqparat - Bolgarııa astanasynda ótip jatqan Strandj kýbogy týrnırinde taǵy bir qazaqstandyq bylǵary qolǵap sheberi fınalǵa shyqty, dep habarlaıdy QazAqparat tilshisi.

54 keli salmaqta Dına Jolaman jartylaı fınalda ıtalııalyq Sırın Charaabıdi 5:0 esebimen tize búktirip, kishi álem sempıony atanyp ketken iri dodanyń fınalyna shyqty.

Dına Jolaman atalǵan týrnırde qazaqstandyq bylǵary qolǵap sheberleri arasynan fınalǵa shyqqan ekinshi boksshy. Osyǵan deıin álemniń eki dúrkin chemıony Nazym Qyzaıbaı 50 keli salmaqta fınalǵa shyqqanyn jazǵan bolatynbyz.

Sondaı-aq, búgin áıelder arasynan sharshy alańǵa shyqqan Rıo Olımpıadasynyń qola júldegeri Dárıǵa Shákimova reseılik Saadat Dalgatovamen qolǵap túıistirip, jeńilip qaldy.

Taǵy bir 75 keli salmaqta el namysyn qorǵaǵan arýymyz Nadejda Rıabets Panamadan kelgen Ateın Baılonǵa ese jiberip, fınalǵa shyǵa almaı qaldy.