Bokstan Strandja-2013 halyqaralyq týrnırinde Qazaqstan namysyn 5 bylǵary qolǵap sheberi qorǵaýda
ASTANA. 21 aqpan. QazAqparat - Bolgarııa astanasy Sofııa qalasynda bokstan Strandja-2013 halyqaralyq týrnıri osymen 64-shi ret ótýde.
Atalǵan baıraqty básekede qazaq eliniń namysyn 5 bylǵary qolǵap sheberi qorǵaýda, dep habarlady QR Boks federatsııasynyń baspasóz qyzmetinen.
Qazaqstan atynan myna sportshylar: Temirtas Júsipov (49 keli), Ǵanı Jaılaýov (60), Aıdar Ámirzaqov (64), Baqytjan Qojabekov (69) jáne Jan Kosobýtskıı sharshy alańǵa kóteriledi.
Federatsııa aqparatyna qaraǵanda, irikteý kezeńinde T.Júsipov ýkraındyq boksshynyń, al J.Kosobýtskıı ıtalıandyq bylǵary qolǵap sheberiniń jolyn kesip, jartylaı fınalǵa shyqty.
Al B.Qojabekov alǵashy jek-jeginde belarýstyq boksshyǵa utylǵanymen búgin shırek fınalda reseılik sportshymen sharshy alańda kezdesedi. Sondaı-aq, búgin Ǵ. Jaılaýov bolgarlyq, al A.Ámirzaqov reseılik boksshyǵa qarsy shyǵatyn bolady.
15 eldiń bylǵary qolǵap sheberleri baq synap jatqan týrnırdiń jartylaı fınaly erteń, al aqtyq syny 23 aqpan kúni ótedi.
