Bokstan sparrıngtik týrnır: qyzdar arasyndaǵy tizimge ózgeris endi

ASTANA. KAZINFORM — 8-10 sáýir kúnderi Astanada bokstan sparrıngtik jekpe-jekter ótedi. Búgin qyzdar arasyndaǵy tizimge taǵy eki boksshy qosyldy. Bul týraly UOK habarlady. 

Atap aıtar bolsaq, 54 kelide Dına Jolaman da baq synaıdy. Ol Qazaqstan chempıonatynyń birneshe dúrkin jeńimpazy, 2016 jylǵy álem chempıony, 2021 jylǵy Azııa chempıony.

Sondaı-aq 66 keli salmaqta álem jáne Azııa chempıonatynyń júldegeri Mılana Safronova óz múmkindigin paıdalanyp kórmek. 

Aıta ketelik, sparrıngtik týrnırde jeńimpaz atanǵan sportshylar Taılandta ótetin sońǵy lıtsenzııalyq týrnırge qatysady.

Eske sala keteıik, buǵan deıin Qazaqstanda dene shynyqtyrý páninen dáris beretin qansha maman bar ekenin jazǵan edik.