Bokstan Prezıdent kýbogynda synǵa túsetin boksshylar belgili boldy

NUR-SULTAN. QazAqparat - Bokstan 15-21 shilde aralyǵynda Nur-Sultanda ótetin Prezıdent kýbogy dodasynda synǵa túsetin boksshylardyń esimi belgili boldy, dep habarlaıdy QazAqparat.

QR Ulttyq olımpıada komıteti habarlaǵandaı, Prezıdent kýbogy kóptegen sportshylar úshin mańyzdy. Óıtkeni, álem chempıonaty qarsańynda ulttyq qurama qataryna iligetin boksshylar tap osy týrnırde tańdalady.

Atalǵan habarlamada komanda bas bapkeri Ǵalymbek Kenjebaev bokstan Prezıdent kýbogine Azııa chempıonatyndaǵy quram men Spartakıada jeńimpazdary qatysatyny týraly aıtqan. Bul joly burynǵydaı on salmaq emes, segiz salmaq dárejesinde úzdikter anyqtalmaq.

Bokstan Prezıdent kýbogyna qatysatyn sportshylar:

52 keli - Ánýar Muzaparov

57 keli - Qaırat Erálıev

63 keli - Zákir Safıýllın, Sanatáli Toltaev

69 keli - Aslanbek Shymbergenov, Abylaıhan Júsipov

75 keli - Tursynbaı Qulahmet, Ábilhan Amanqul, Talǵat Shaıken

91 keli - Vasılıı Levıt, Aıbek Oralbaı

+91 keli - Qamshybek Qońqabaev